أسئلة المتابعين

انا بكرية ولدت ب ٧/٣/٢٠٢١ ، كان المفروض تكون ولاده طبيعيه لكن اخر لحظة تقرر تكون عملية بسبب انه دان البيبي كانت مبينه مش راسها ونزل نبضها اكتر من ٧ دقايق، حملي ما كان في اي مشاكل، كنت اعاني من اوجاع عضلية من بداية الشهر الرابع، ف بس دخلت الشهر السابع بلشت اعمل كل يوم تمارين عالكره المطاطيه تساعد في تخفيف الالام الي عندي، ولما دخلت التاسع كنت اكل تمر ٥ حبات باليوم واعمل تمرين الsquat، لما قرب موعد ولادتي والي كان ب ٢٢/٣، حكتلي الدكتوره لما يصير بين الطلق ٥-٧ دقايق اجي عالمستشفى، ما نزلت مية الراس ولا نزل علي دم، انا بلش الوجع معي من يومين كان كل ساعتين بعدين كل ساعه بعدين ربع ساعه بعدين ١٠ د، ضليت اتحمل بالطلق لحد ما صار عشر د وطلعت عالمستفشى، كنت مخططه على ابرة الضهر لكن فحصوني داخلي طلع عندي توسع ٩ سم، كانت من اسوأ التجارب الي مريت فيها بحياتي، للاسف ما حدا فهمني شو صار وليه صار هيك وليه الدكتوره اصرت اني اجي بعد ٥ د مع اني كلمتها لما كان الوجع كل نص ساعه، اكنت راسمه فبالي خطة ولاده تكون بأقل الاوجاع لكن انا اخدت الطلق كله وبالاخر دخلت عمليه،ما بعرف شو السبب وما بعرف ازا قلة التواصل بيني وبين دكتورتي ادى الى انها ما تعرف انه ممكن يكون عندي توسع هالقد ، هي ما عمرها سالت عن التمارين الي بعملها ، ارجو حدا يفيدني ويفهمني شو الي صار معي وشكرا.